-->

خبير الأعشاب احمد ابو النصر الثوم يعالج الام الظهر والبرودة

خبير الأعشاب احمد ابو النصر الثوم يعالج الام الظهر والبرودة


    كتب - أيمن قادوم خبير الأعشاب
    أما كنت فى الهند كانو بيعالجو الالام اسفل الظهر ازاى
    واحد من أقوى الوصفات على الإطلاق للتخلص من الالام أسفل الظهر و التهاب الأعصاب المصاحب والتنميل و الحرقان بالأرجل هوه استخدام زيت الثوم .
    الحقيقة الثوم مدعم بالعديد من الأبحاث فى القصة دى لأنه بيوقف الإلتهاب اللى ممكن يكون ناتج عن البرودة اللى احنا فيها الأيام دى اللى مجازا بالعامية الناس بيقولو عليها رطوبة وطبيا اللى بيفهم كويس فى علم الأمراض اللى اسمه الباثولجى عارف ان واحد من أهم اسباب الإلتهاب الفزيائى هوه البرودة المهم الثوم بيوقف الإلتهاب سواء كان بسبب البرودة أو عدوى بكتيرية لأن حضرته مضاد حيوى مفترى لايقدر عليه اية بكتريا و كمان بيدعم الأعصاب جدا لأنه بينقيها من سمومها زى الرصاص وكمان بيساعد جدا فى وقف التهاب الأعصاب المصاحب للإنزلاق الغضروفى .
    طيب عرفنا ان الثوم دا جميل لإلتهاب الأعصاب والشد العضلى والالام اسفل الظهر ازاى اعمل الوصفة صح زى الهنود الشطار .
    بص ياسيدى ١٠ فصوص ثوم مع ٤ ملاعق كبيرة زيت أى زيت عندك بالبيت زيت صويا عباد شمس اى حاجة واقلى الثوم على نار هادية جدا فى الزيت لغاية ما لونه يقلب بنى تمام وبعدين اما يبرد ادهن ظهرك ياسيدى وسيب الدهان عليه لمدة ٣ ساعات وبعدها خد دش دافى وأعمل الوصفة دى يوميا لمدة ١٥ يوم بص هتدعيلى .
    ومتنساش انهم فى الهند بيوصو مرضى التهابات اسفل الظهر بالمشى أو السباحة أو تشترى عجلة وتجرى بيها خليك رياضى مع طبعا تجنب السمنة مش ناقصة تقل ع الظهر ومرتبتك تكون ناشفة شوية .
    شير لغيرك متكونش بخيل الناس يعينى الالام الظهر الأيام دى شدة جدا عليهم والموضوع مش بس بسيط دا فعال جدا جدا جدا .
    دمتم بصحة
    الدكتور أحمد أبو النصر
    المحور نيوز
    @مرسلة بواسطة
    كاتب ومحرر اخبار اعمل في موقع المحور نيوز .

    إرسال تعليق