-->

تعرف على 30 جملة مش هستمعهم كتير بس هيفيدوك لو طبقتهم جدا

تعرف على 30 جملة مش هستمعهم كتير بس هيفيدوك لو طبقتهم جدا




    كتب-محمدرمضان
    1- الانسان من غير هدف زي السمكة من غير مية ، هي فيها الروح لكن مش عارفه تعيش وتتأقلم ، الهدف باختصار بسيط ؛ هو أنك خلال فتره من السنين تكون ما تحب ان تكون عليه

    2_  محدش بيختار أهله وطريقتهم وعيشتهم وهل أغنياء أو فقراء أو عصبيين ولا طيبيين ، بس تقدر تنقي اصحابك وتختارهم
    وأعرف ان المرء علي دين خليله وأنك مرايه أصحابك
    صاحب مجتمع الاغنياء تصبح غني ، صاحب مجتمع الاذكياء تصبح ذكي لان من عاشر قوم أصبح منهم

    3_ صحاب القهوة مبينفعوش ، اللي هينفعك الصاحب اللي يشدك معاه لفوق ، اللي لو اشتغل يدورلك علي شغل ، اللي يذكرك بالصلاة ، اللي يعينيك علي بر والديك  اللي يقولك تعالي شجعني في كورس، اللي يخليك تعمل اعمال صالحة عموما

    4- الكورسات والتدريبات اهم مليون مرة من قرأة الكتب ، الكورسات والتدريبات من الناس الصحيحة دي خلاصه خبرة حقيقة واقعية وكمان خلاصه كتب هما قروها  + أن 75% من الكلام اللي بيثبت في عقلك عموما بيكون بسبب الطريقه اللي اتقالت بيها ودا هتفتقده في الكتب وان كان انصح بالاستفادة من الكتب ولكن لا تكتفي بها فقط

    5_  ناس كتير في بداية تخرجهم بيكونوا تايهيين ومشتتين ومش عارفين يعملوا اية ، ودا بسبب انه فجأه اتخرج وكان مقضيها لعب وسهر وخروجات ومفكرش في مرة ينزل كورس تدريب او حتي يحتك بالسوق فبيلاقي نفسه بيقعد قدام أتش ار ويسال نفسه ازاي في سني وازاي قاعد بيعمل معايا انترفيو ؟
    كل الفكره انك وانت بتلعب هو راح خد دبلومة او كورس وحسن الانجليزي بتاعه فبقي مؤهل عنك

    6_ لو خلاص اتخرجت اعرف ان الراجل هو اللي بيجيب الجنية وبالحلال

    7_ النجاح خطوات وسلم من 100 درجة ممكن في الدرجه 50 تحس بنجاحك بنفسك لكن مع الوقت الناس هتعرف نجاحك حتي لو مشوفهوش لكن هيسمعوا عنك

    8 _ الشغل قائم علي حاجتين ، التضحية والتعويض
    انت بتضحي بوقتك في الشركه وهي بتعوضك فلوس مقابل دا ودي سنه الحياة
    ف امكانك ال 8 ساعات يبقوا ب 2000 ج
    وامكانك بتعبك واكتسابك للمهارات توصلهم ل 20000 ج

    9 - كتبت من يومين ان كل خطوة بتمشيها احسبها بالفوايد مش النتائج

    المهم من اي حاجه بتعملها تستفيد منها حتي لو بشوية معلومات تغير فكرك او تزيدك خبرة ودي فوايد
    هنقول عليها نتائج لما شوية المعلومات دي تدير عليك دخل او فلوس او حتي وضع وظيفي بعدين

    10 _ ماتشات الكورة وكلام السياسة وقعدات شتايم البلد بتضيع وقتك وملهاش لازمه ، اشتغل نفسك بشئ يعود عليك بشئ ينفعك
    لا لاعب الكورة هيديك جنية لما يكسب ولا القعدات دي هتبقي موجودة في شدتك

    11_ النجاح مش شهرة ، ومش فلوس ، النجاح ان الناس تحترمك وتقدرك
    ان حد يسلم عليك وهو حابب سلامه عليك

    12- المهم من انك تكون ناجح ان تكون ذو ضمير ومخلص

    13 _ المسئولية يعني تقدر تصرف علي نفسك ومتحتاجش لحد لان الحوجه وحشه وربنا ما يكتبها علينا

    14 - كل ما كان كلامك حلو كل ما الودن تحب تسمعك

    15 _ لو بتشتغل مع بنات قلل كلامك وسرد افكارك وخواطرك
    تفسيرتهم مرعبه وغلط مبيعتبروش ان دا كلام فاضي فممكن يودوك في داهية

    16 - لو لسه خريج ومتخرج وبتفكر تفتح مشروعك الخاص ، اصبر علي نفسك
    النجاح خطوات من ضمنها الشغل عند الناس والضغط عشان دي بيخليك علي دراية بتقسميات الشركات وادارة البزنس
    مهو مينفعش تفتح شركه وانت مبتعرفش تسوقلها او حتي تبيعلها

    17-  من اكثر الاشياء اللي هتاثر في حياتك انك متكونش بتتكلم انجليزي كويس حتي لو خبرتك كبيرة لان الفرص الكويسه بتيجي في الشركات الكويسة والشركات الكويسة بتتعامل بالانجليزي

    18 _ حاجتين تعملهم ويخلوك في حته تانيه ( حلل الكلام واستنج منه اسبابه _ حل المشكلات ومتقولش معرفش )

    19 _ خليك خفيف ، متظهرش كتير ، متكونش متاح طول الوقت
    الناس اللي بتتعود علي رؤيتك دايما مش بتوحشهم

    20- 80 في المية من اللي بينصحوك غير متخصصين وغير مؤهلين للنصيحة فاختار من يحدد اختلافاتك

    21 - كل ما شخصيتك تنضج كل ما هتقل في اتخاذ القرارات الفردية وهترجع لاكثر ناس تثق في حكمتهم ورأيهم

    22 _ سيب دايما الباب موارب ، كل الطيور بترجع لموطنها

    23 - اللي بيتجاوز في حقك تغافل عنه ثم تغافل عنه ثم متردش عليه ثم امسح بيه بلاط الارض
    الاحترام حلو لكن مش في كل الحالات

    24- محدش معصوم من الخطأ ، فلو وقعت في نفسك ان اللي وقع في الغلط انك تشفق عليه وانك احسن منه اعرف ان من عاب ابتلي وحتي لو كان عكس ذلك

    25 - لو شوفت حاله مرضية في الشارع ، حد قاعد علي كرسي متحرك ، حد عنده مشكله صحية لو مجاش في بالك انك علي طول تحمد الله كده عندك مشكله في شكر الله علي  النعم

    26 - معرفه الناس كنوز ، كتر من معارفك وابدء بالسلام علي كل الناس

    27 - اعرف دايما ان ستر ربنا مبيترفعش عن  اي شخص من اول مرة

    28 - حياتك متقسمه حاجتين جزء اجتماعي وجزء ذاتي
    الاجتماعي اهلك وصحابك وبيتك واولادك وذاتي نفسك ونجاحك وشغلك واحترامك وأدبك

    29 - لا تلح في الطلب ولا تكثر من الحديث

    30 - لما تمشي من اي شركه امشي باحترام لان الانسان سيرة لما تيجي سيرتك يتقال عليك كلام خير
    المحور نيوز
    @مرسلة بواسطة
    كاتب ومحرر اخبار اعمل في موقع المحور نيوز .

    إرسال تعليق