كيف تحافظ على صحتك من السرطانات من تناول القشطة المغشوشه من المطاعم

 كيف تحافظ على صحتك من السرطانات من تناول القشطة المغشوشه من المطاعم



    كتب-محمدنصار
    تخيل ان القشطه والسكلانس وفطيره القشطه تجيلك جلطه وسرطان😶🤐
    قولنا قبل كده ان القشطه المستخدمه داخل المطاعم مضروبه وعباره عن سم
    ومحل الالبان المحترم مش حيعرف يوفرلك قشطه الا نادرا ولو قالك مفيش قشطه اصلا فالسوق احترمه لانه كده راجل امين.
    واللى بيتحط فسندويتشات الحلاوه والسكلانس  والكنافه بالقشطه كل ده مش قشطه خالص ولا حتى بنسبه ١٠%..
    نكمل قراءه بس عشان نفهم.
    كيلو القشطه النظيف بيطلع من ٥ كيلو لبن تقريبا وبالتالى ثمن كيلو القشطه عشان ابيعه واكسب فيه من ١٢٠ ل ١٤٠ جنيه
    وبالتالى اكيد مش ده اللى موجوده ففطيره ب ٣٥ ل ٥٠ج او سندويتش سكلانس ب ٥ج
    القشطه دى كلها مضروبه الا القشطه الفلاحى اللى تشتريها من فلاح مضمون وبتقعد فالثلاجه اخرها ٣ ايام وتغير لونها وطعمها وريحتها
     ايه المشاكل الرئيسيه المدمره للقلب وشراينه ومحفزه الجلطات من طراز فريد
     رقم ١😵 ثمن كيلو القشطه الخام الاصلى ١٣٠ج متوسط سعر وبالتالى مستحيل تشتغل فالمطاعم لان كده سعرها نفس تقريبا سعر كيلو النوتيلا.
    ولو اشتغلت بالسعر ده يبقى الفطيره حيكون ثمنها ٨٠جنيه بس برضو مش حينفع تتباع بالاسلوب ده.
     رقم ٢😵القشطه الاصلى يتغير لونها وطعمها وريحتها من اقل تعامل معاها وف خلال ١٠ ساعات بس داخل حراره المطاعم تنتهى القشطه تماما وده خساره على صاحب المكان.
     رقم ٣😵 تماسك القشطه الفلاحى ضعييف جدا ومينفعش فالمطاعم ولا فالسندويتسات والكنافه ولما تتعرض ل حراره الفطير والفرن حتكون شوربه.
    وحلها الوحيد ان الفطير يطلع ساده ونغمس بيه القشطه
    رقم ٤ 😵طبق القشطه بيشتغل فالمطاعم بره التلاجه فترات طويله وممكن تشوفه بعينك عادى فالمطعم وده بسبب المواد الحافظه واحيانا فورمالين اللى استنشاقه واكله سرطانات مباشره
     رقم ٥ 😵البيوت اصلا مش لاقيه قشطه فلاحى نظيفه ف اكيد المطاعم مش حتلاقيها برضو بالاطنان دى.
    رقم ٦😵 سعر القشطه اللى بينزل المطاعم من ١٧ ل ٢٥جنيه جمله وده ميوصلش ل سعر لحام كاوتش عربيه!!!
    بالتالى لما الدكتور يقولك وقف قشطه والبان عشان قلبك والكوليسترول قوله حاضر مش عشان الحاجات دى مضره للقلب لا عشان هيا اصلا مش قشطه
    وفعلا نتيجه اكل الكائن ده تدمير ل قلب ومناعه وشرايين اى انسان.
    طيب مكونات القشطه المضروبه..
    مبدئيا اى حاجه غير فكره اللبن..
    عباره عن زيت نخيل شورتيننج ومواد حافظه وفورملين ماده مسرطنه من الدرجه الاولى(اكلها واستنشاقها)والوان وروائح صناعيه ولبن بودره ده لو حيستنظف شويه
    طيب عرفت المصيبه دى منين:
    مورد القشطه اللى بينزل ل ٨٠%من مطاعم الاكل اللى بستخدم القشطه طلبت منه قشطه للبيت واولادى ف قالى مش عندى قولتله انت بتهرج ده انت بتنزل اطنان شهريا للمطاعم
    ف حكالى القصه دى كلها وقالى قشطه ايه ده اللى ب ٢٥جنيه ده زيت ولون وفورمالين
     يعنى انتشار الامراض السرطانيه ممكن يكون بسبب حته قشطه جنابك بتضرب منها اسبوعيا فالشوارع وف بيتك وعند الحلوانيه كلها زيت والوان وفورمالين مسرطن..
    طيب هل الاطفال يستحملوا المصيبه دى..
    للعلم ف ابو حمزه مفيش فطيره قشطه ولا منتجاتها من سنه تقريبا..
    ولو مش متاكد خود القشطه وروح حللها واتفرج
    الكلام ده بياثر عليا ف شغلى وبيعملى مشاكل لان فى ناس بتحطنى ف دماغها بس الامانه مهمه عشان اولادنا وحضراتكم
    المحور نيوز
    @مرسلة بواسطة
    كاتب ومحرر اخبار اعمل في موقع المحور نيوز .

    إرسال تعليق