-->

كيف تبدء شغلك الخاص قبل ماتترك شغلك وعملك

كيف تبدء شغلك الخاص قبل ماتترك شغلك وعملك






    بقلم : محمد رمضان
    دول ٢٠ قاعدة أن شاء الله هينفعوك لو اخدتهم فى الحسبان ⁦
    حلو جدا تقتنع بمقولة إن لم تقم ببناء احلامك سيقوم أحدهم لتوظيفك لبناء احلامة
    ناس كتيير بدات البيزنس الخاص بيها وفشل قبل مايعدى علية سنة
    سالت نفسك لية
    اسباب رئيسة ان البيزنس بتاعك يقع
    ١_ اولا انك تقرر تسيب شغلك فجاه وانت مش مغطي على الاقل مصاريف والتزاماتك من 6 شهور لسنة
    ٢_ حط لنفسك plan ان متوسط الصرف على المشروع علشان يجيب همة وتكاليفة برضو مدة تتراوح من 6 شهور لسنة
    ٣_ اياك تشارك حد من اصحابك او اقاربك علشان هيحصل حاجة من الاثنين  ياتخسروا البيزنس ياتخسروا بعض
    ٤_ ماتفتحش حاجة انت ماعندكش فيها خبرة وجربتها بايدك
    علشان هيكون عندك قدر كويس من المعلومات فيها
    ٥_ اتعلم اساسيات الادارة والمحاسبة والكمبيوتر علشان حضرتك مش هتقدر في البداية تجيب محاسب او اتش ار
    ٦_ اوعي تتبع الموضة الموجودة وتفتح شركة استيراد وتصدير غير لو انت عارف هتجيب اية ومن مين وهتصدر اية ولمين
    ٧_ اهتم يالتسويق واهتم بجودة المنتح بتاعك من جودة الانتاج والتعبئة والتغليف ومكان عرضة
    ٨_ مافيش حاجة اسمها انا عامل حاجة لكل الناس .. لازم حضرتك تركز على شريحة وتارجت فيها المنتج بتاعك
    ٩_ مش عيب تكبر بمساعدة المؤسسات المالية بس ماتخليش تمويلها يزيد عن ٢٥٪ من مكسبك
    ١٠_ فرق كويس بين الايرادات اللى انت بعتها لانها دى مش صافي مكسبك .. علشان فية مصاريف
    ١١_ اي بيزنس في الدنيا بينجح لو توافر شرطين مهمين وهما جودة كويسة وشبكة علاقات قوية
    ١٢_ اشتغل في الاوقات الصعبة وخد ال Risk علشان الوقت ده كل منافسينك بيبقوا خايفين ومريحين
    ١٣_ ابعد في بداية حياتك عن المنتج الموسمى علشان هتشتغل شهرين وهتنام باقي السنة
     ١٤_ مش عيب لما تغلط تعدل من غلطك ولازم تتعلم من اقل موظف او عامل عندك
    ١٥_ خلي عندك ثقة في نفسك وطالما بتسعى اتاكد ان ربنا هيرزقك

    ١٦_ مافيش وعود فى البيزنس
    ١٧_ راقب تغيرات الاسعار وسوق العملة علشان ماتلبسشى
    ١٨_ اوعى تقلل من تكاليفك على حساب المنتج .. خلى بالك العين بتشترى الاول
    ١٨_اهتم بالسوشيال ميديا التصميم وكتابة المحتوى بيفرقوا
    ١٩_لازم تراقب حركة الفلوس عندك وتحدد اولوياتك
    ٢٠_طلع صدقات ... الصدقة بتوسع الرزق
    المحور نيوز
    @مرسلة بواسطة
    كاتب ومحرر اخبار اعمل في موقع المحور نيوز .

    إرسال تعليق