-->

هل فعلا الحياة أجمل فوق الثلاثين؟

هل فعلا الحياة أجمل فوق الثلاثين؟




    اكتشفت ان السعاده موجوده في الحاجات العاديه
    الابتسامه.. والهدوء .. النوم بدري.. ونسيم الفجر .. وصوت الموسيقي

    فوق الثلاثين
    اكتشفت السعاده موجوده في العلاقات العاديه. الخروجات العاديه.. مع الناس العاديين اللي بحس معاهم باحاسيس عاديه وبسيطة..وكلامنا مع بعض بيبقى عادي .. لا متزوق ولا فيه وعود ناريه وتصريحات عنتريه

    فوق الثلاثين
    بعد ما حبيت قوي ..وصاحبت جدا ..وكرهت موت...
     بعد ما حزنت بحرقه ..وضحكت بهستيريا
    بعد ما اتزنقت في الفلوس .. وبعزقتها
    بعد ما وافقت بضعف...ورفضت بقسوه
    بعد ما اتنصفت  .. واتظلمت ولبست فىً الحيط

    فوق الثلاثين
    مابقتش بنبهر بالناس الوااااو
    انا كمان بطلت احاول اكون سوبر وااااو
    ارتحت جدا لما اتصالحت مع فكرة اني شخص عادي و زميله عاديه.. و صاحبه عاديه

    فوق الثلاثين
     في حروب كتير بيني وبين نفسي انتهت لما اتفقت معاها اني مش هبرر موقفي ولا هدافع عن نفسي ولا هثبت للناس عكس اللي شايفينوا عني.. اللي حاببني زي ماانا يتعامل معايا

    فوق  الثلاثين
    اقتنعت ان اكبر نعم ربنا على الانسان انه يعيش حياه عاديه هاديه ومستقره 
    المحور نيوز
    @مرسلة بواسطة
    كاتب ومحرر اخبار اعمل في موقع المحور نيوز .

    إرسال تعليق