-->

طبيب تخاطب مينفعش تعاقب طفل غير مدرك الخطا الي عمله يعني ايه الكلام ده يعني الكذب ليس كذب

طبيب تخاطب   مينفعش تعاقب طفل غير مدرك الخطا الي عمله   يعني ايه الكلام ده  يعني الكذب ليس كذب






    يعني لو طفل ميعرفش يعني ايه كذب ولاقيتيه  بيزود فالكلام من خياله وبيوصف حاجات محصلتش مينفعش تعاقبيه لانه كذاب
    ايوه بس ده كدب وهوه لو مش اتعاقب هيزيد فيها
    لاء مش هيزيد  لسبب بسيط جدا هوه بيعمل الحاجات دي من وحي الخيال غصب عنه مش ارادي خالص وميعرفش المغزي من الي بيعمله
    مفهمتش
     يعني من الاخر معندوش مصلحه من ورا الزياده فالكلام غير لفت الإنتباه احيانا واحيانا تانيه بيكون عنده نقص إدراك يساعده أنه يفرق بين الواقع والخيال
    طيب والتصرف هنا الصح ايه غير العقاب
    التصرف الصح انك تسمعيه لحد الآخر وتقوليله بص الي حصل فعلا كذا وكذا والباقي ده مش حصل بعد كدا قولي الي حصل بالضبط وبعد ما تخلص لو فكرت فحاجات محصلتش احكيهالي وقولي انها مش حصلت
    وبلاش اجيب سيره الصدق ولا الكذب
    لو ابنك حسيتي أنه هيفهم معني الكلمه دي قوليله بس كلميه عن الصدق الاول واحكيله قد ايه الي بيقول الصدق الناس بتحبه وكمان ربنا بيحبه وهكذا وخلي كلامك عن الكذب وصفات الكذاب قليله شويه أما الصدق وصفاته وحلاوته متتوصيش بقا
    انا فهمت بس ليه اتكلم عن الصدق اكتر
    علشان ترسخي عند ابنك مفاهيم ايجابيه اكتر ويحب الصفات الحسنه اوي فتلاقيه بيعملها تلقائي وبيبعد عن السلبي برضه تلقائي من غير ما يكون عنده صفات سلبيه فهمتي قصدي

    داحمدالشاملى
    دكتورالتخاطب والارشاد النفسي
    المحور نيوز
    @مرسلة بواسطة
    كاتب ومحرر اخبار اعمل في موقع المحور نيوز .

    إرسال تعليق