-->

د. أحمد الشمالي طبيب التخاطب يفسر ابني بيشتم لازم تعرف حاجتين

د. أحمد الشمالي طبيب التخاطب يفسر ابني بيشتم  لازم تعرف حاجتين



    الطفل الاقل من ٥سنوات وبيشتم عاده بيكون سمع الكلام ده مرارا وتكرارا
    التلفظ بيكون نتيجه لان الطفل بيحاكي ويقلد وده تطور لمهاراته اللغوية فهي كلمه جديده ولا يدرك انه تلفظ سيء
    المصدر:-
    ابني بيشتم سمع الكلام ده فين البيت...TV.. الاماكن العامه.... الشارع.
    *تعالي نحكي موقف:-
    حضرتك كنتي ماشيه في الصاله صباع رجلك الصغير خبط في رجل الكرسي  قولتي شتيمه.. ابنك قاعد وسمعك.
    بابا معاه تلفون شغل وبعدين انفعل شويه قال شتيمه.. ابنك قاعد وسمعك.
    *بابا وماما بيتكلموا ومشغولين... ابنك قال شتيمه.. الكلام وقف
    اي اللي حصل!!!!
    موقف ماما الطفل كان قاعد وسمع الشتيمه كويس.. جه موقف بابا اتكررت نفس الكلمه.. الشتيمه
    وعشان بابا وماما مشغولين والطفل عاوز ياخد اهتمام شتم.. لجذب الاهتمام.. انا هنا موجود اهتموا بيا.
    طيب رد فعل الام والاب انفعال وغضب.. ده اسمه تعزيز سلبي.. الطفل اتأكد ان ده بيدايق ماما وبابا اذا هكرره وقت مااكون عاوز اجذب الانتباه.
    طيب ولو رد فعل الام والاب الضحك.. هيكون ده برده تعزيز سلبي.. الكلام ده عجب بابا وماما اذا هكرره
    طبعا ده نظرية الارتباط الشرطي
    نفس الامر بيحصل من المصادر التانيه.. التلفزيون والشارع
    طب اي الحل؟؟
    لو ابنك اول مره يشتم اعمل تجاهل سلبي.. مش فاهم.. يعني انك مسمعتش حاجه من ابنك.
    بلاش الفاظ في البيت من الاب والام.
    لو سمع احد الجيران او في كرتون او اعلانات انا هقول لابني ده غلط ومش هكرر الكلام هكتفي اني اقول الكلام بشكل عام.
    لو اللفظ اتكرر ف البيت اخليه يغسل فمه باعتباره شيء سيء.. زي لما ايدي تتسخ اغسلها.
    ممكن استخدم التوجيه الديني.. افهم ابني ان الشتائم من السيئات وطبعا في ملايكه بتسجل الحسنات والسيئات.. وكمان هوضحله مفهوم الافلاس انا اخطأت في حق حد هياخد من حسناتي لغايه لما الحسنات تخلص.

    داحمدالشاملي
    دكتورالتخاطب والارشاد النفسي
    ت / ٠١٠٠٧٦٥٨٧٢٦
    المحور نيوز
    @مرسلة بواسطة
    كاتب ومحرر اخبار اعمل في موقع المحور نيوز .

    إرسال تعليق